Գիրք պիտոյից

Ավանդությամբ Մովսես Խորենացուն վերագրված “Պիտոյից գիրքը” 5-րդ դարի ճարտասանության ձեռնարկ է, որը լայնորեն կիրառվել է միջնադարյան Հայաստանի դպրոցներում։ Լինելով հունաբան թարգմանությունների շարքի անկապտելի օղակներից մեկը, այն իր ծավալի գերակշիռ մասով ինքնուրույն գործ է, աշխարհիկ գիտական մտքի եզակի հուշարձան։

Սույն հրատարակության մեջ զետեղված է “Պիտոյից գրքի” նոր քննական բնագիրը՝ կազմված Մաշտոցի անվան Մատենադարանի ձեռագրերի հիման վրա, շոշափվում են նաև հեղինակի, թվագրման, հունարեն սկզբնագրի և նախօրինակի հետ առնչության, հայերեն աղբյուրների, ինչպես նաև լեզվի և ոճի հարցեր։