Մատյան ողբերգության

Գրիգոր Նարեկացուց (951-1003 թթ․) մեզ հասել են բազմաթիվ գործեր, սակայն հայ և համաշխարհային գրականության մեջ նա հռչակվել է “Մատյան ողբերգության” պոեմով, որը պատկանում է մարդկության ստեղծած գեղարվեստական մեծագույն արժեքների թվին։ Պոեմում բանաստեղծը խոսում է կյանքի ու մահվան, անկման ու փրկության մասին, վերլուծում մարդկային կյանքի անկատարությունը, որտեղից էլ սկսվում են նրա ողբերգական ապրումներն ու տարակույսները։

Պոեմը հայտնի է “Նարեկ” անունով, բաղկացած է 95 գլխից (բանք), որոնցից յուրաքանչյուրն սկսվում է “ Ի խորոց  սրտի խոսք Աստծո հետ” տողով։ “Նարեկը” հայտնի է նաև իր հրաշագործ ներգործությամբ և բուժիչ հատկություններով։