Սուրբ Էջմիածին․ թանգարան բաց երկնքի տակ (պատկերազարդ ուղեցույց)

Ճանապարհորդությունը միայն տարածության մեջ տեղափոխություն չէ․․․ Ուխտավորը, ճամփորդությամբ, տարբեր ժողովուրդների հոգեւոր, մշակութային, ազգային և կրոնական արժեքներին հաղորդակից լինելով, նոր գիտելիքներ, օգտավետ փորձառություն է ձեռք բերում։ Գովելի է, երբ այդ գիտելիքները գործածվում են, ծառայում որոշակի նպատակի։

Երբ այցելում ես պատմական Վաղարշապատ քաղաքը՝ Միածնաէջ սրբավայրը, բաց երկնքի տակ այդ թանգարանի սույն ուղեցույցն առաջնորդում է վայրեր, որտեղ քեզ հյուրընկալում են անսահման սիրով, որտեղ քարերն անգամ խոսում են քեզ հետ, իսկ հազարամյա հնավայրերը վկայում են մեր պատմության, մշակութային ավանդույթների մասին։