Դարձ դէպի հայրենիք

Անկախացած Հայաստանի սաղմնաւորման սկիզբի տարիներէն մինչեւ ներկան երկարող կարճ բայց բարդ ժամանակաշրջանը բնութագրող այս գրքին մէջ, հեղինակը մեզի կը փոխանցէ իր տպաւորութիւնները, մտորումներն ու զգացումները, նոր կազմաւորուող երկիր մը յատկանշող՝ դրական ու բացասական երեւոյթներրուն եւ վերիվայրումներուն անդրադառնալով։

Հայրենիքի երազով սնած ու ապրած սփիւռքահայուն պատկերացումն է այս գիրքը, դէմ յանդիման գալով այդ երազի իրականացման, եւ հրաւէր՝ այս բախտորոշ իրականութիւնը ազգովին (Հայաստան եւ Սփիւռք) միասնաբար ամրապնդելու եւ յաւերժացնելու։

Հաղորդական եւ անմիջական այս գիրքը, գրուած է անկեղծ շունչով եւ ազգաշէն միտումներով։