Վասպուրականի Արծրունյաց թագավորությունը 908-1021 թթ․

Հարավային Հայաստանում 908 թ․ ստեղծվեց Վասպուրականի թագավորությունը, որի թագավոր Արծրունի Գագիկը (908-943) բազմիցս հաջողությամբ ետ էր մղում արաբական խալիֆայության դրածոների կողմից Վասպուրականի թագավորության դեմ կազմակերպված հարձակումները։ Բացի Վասպուրականից Սասունը, Մոկքը և այլ շրջաններ նույնպես մասն են կազմել այդ թագավորության, որի տարածությունը հասնում էր մի քանի տասնյակ հազար քառակուսի կիլոմետրի։