Քրիստոնէական ցոլքեր Բ․

“Քրիստոնէական ցոլքեր”ը կը ներկայացնէ իմ մտածումներս, համոզումներս եւ ապրումներս զորս հաղորդած եմ սիրելի ազգակիցներուս զանազան բեմերէն, եւ այժմ կը փափաքիմ զանոնք ներկայացնել ազգիս զաւակներուն՝ գրաւոր շունչով։ Ան գրական, բանաստեղծական կամ հետազօտական աշխատասիրութիւն չէ, այլ քրիստոնէական վկայութիւն մը՝ հաղորդուած պարզ լեզուով։

“Քիրստոնէական ցոլքեր”ուն բուն նպատակն է հայրենակիցներուս հրամցնել Աստուածաշունչի ցորեան հացէն՝ արծարծելու Սբ․ Գրիգոր Լուսաւորիչի, Սբ․ Սահակի, Սբ․ Մեսրոպի եւ Քաջն Վարդան Մամիկոնեանի մեզի փոխանցած հաւատքը եւ քրիստոնէական կեանքը։