Երևանը լուսանկարներում, մաս I

Ով անցյալ ունի, նա չի կարող հետ չնայել։ Իսկ Երևանն ունի անցյալ։ Ու մենք կապված ենք այդ անցյալի հետ, որի ակունքները գալիս են դարերի խորքից և հասնում մինչև մեր օրերը՝ անցնելով պատմական զարգացման բարդ ու դժվարին ճանապարհ։

Երևան քաղաքի պատմության թանգարանն իր գործունեության տասնամյակների ընթացքում հավաքել ու պահպանում է շուրջ 12.000 լուսանկար։ Հետաքրքիր է տեսնել լուսանկարներ, որոնք ներկայացնում են և՜ Աբովյան փողոցը՝ իր զուգահեռ և ուղղահայաց փողոցներով, և՜ սև տուֆից կառուցված երկհարկ և եռահարկ բնակելի ու հասարակական շենքերը, և՜ գործող կինոթատրոնները, զբոսայգիները, հիվանդանոցները, բուհերն ու դպրոցները։ Լուսանկարների այս շարքում կան նաև Երևանի հին համայնապատկերներ, հետաքրքիր կոլորիտով լուսանկարներ։