Օրեր եւ դէմքեր

Արարատի ծաղիկ

Վըտիտ ու տանջուած ծաղիկ

Իմ ցեղիս պէս,

Որուն արեւն է ցամքած․

Ինծի կը բերես հեռուներէն

Յիշատակներ ու ցաւեր՝

Արցունքով թրծուած։

Շափրակներուդ վըրայ կը կրես

Յօղաթուրմ շունչը

Աստուածագեղ Ախուրեանին,

Ու Պահլաւունեան ու Բագրատունեան

Իշխանազարմ տիտանները կանգնագեղ՝

Իրենց աճիւնովն են պարենաւորած

Քու ցօղունդ ծածկոցածին։

Դարեր եւ տարիներ

Կ՛ամփոփես դուն,

Ու փխրուն թեւերուդ վրայ

Ես կը կարդամ մեծ հոգեվարքը

Քանդըւած ու աւերակ Անիին։