Աւանդական պատմութիւն հայոց․ Ա․ Հայկազանց շրջան

Հայ պատմագրական երկերու համեստ համադրութիւն մըն է ներկայ աշխատութիւնը, ուստի չ՛ենթադրեր որեւէ նորութիւն՝ պատմագիտական հայեցումով։

Յատկապէս ուզած եմ անուանել զայն՝ ԱՒԱՆԴԱԿԱՆ ՊԱՏՄՈՒԹԻՒՆ ՀԱՅՈՑ, որպէսզի ընթերցողը առաջին տողէն իսկ գիտնայ թէ վիպական առանձնայատկութիւններ են որ առանցքը կը կազմեն այս երկասիրութեան։

Այս առաջին մասը պիտի կրէ “Հայկազանց շրջան”  անունը, եւ պիտի բովանդակէ Հայկ Նահապետի տիրապետութեան օրերէն սկսեալ մինչեւ Արտաշիսեան Արտաւազդի անկումը, այսինքն՝ Հայկազանց տիրապետութեան սկիզբէն, մինչեւ Հայկազեան թագաւորութեան բարձումը։