Աւազախրած նաւը

Կ․ Զարեանի «Նաւը լերան վրայ» գործին երկու տպագրութիւնները, արտասահմանեան տպագրութիւնը (1943) եւ հայաստանեան տպագրութիւնը (1963), բաղդատութեան ենթարկելով այս էջերը կազմեցինք՝

Առաջին,– առիթ տալու համար հայ մտաւորականութեան, որ փաստաթուղթերու բաւարար այս ամբողջութեան դիմաց կանգ առնէ եւ ապա ըսէ իր խօսքը գրականութեանց պատմութեան մէջ նախընթաց չունեցող իմացական այս կամաւոր այլասերումին առիթով, եւ

Երկրորդ,– որպէսզի հայ երիտասարդը յստակօրէն կարենայ տեսնել իր ճակատագրին հետ խաղացող մարդոց դաւը եւ պահէ խաբեբաներուն եւ խաբեբայութիւններուն դէմ ընդվզելու եւ աղաղակելու ցեղային իր արու նկարագիրը։