Տաղարան Հայաստանեայց Սուրբ Եկեղեցւոյ

Խորհուրդ խորին անհաս անըսկիզբն․ 

որ զարդարեցեր զվերին պետութիւնդ․ 

ի յառագաստ անմատոյց լուսոյն․ 

գերապանծ փառօք զդասըս հրեղինաց։

Անճառահրաշ զօրութեամբ․ 

ստեղծեր զԱդամ պատկեր տիրական․ 

եւ նազելի փառօք զգեստաւորեցեր․ 

ի դրախտն Ադենի տեղի բերկրանաց։

Չարչարանօք քո սուրբ Միածնին․ 

նորոգեցան արարածք ամենայն․ 

եւ վերըստին մարդն անմահացաւ․ 

զարդարեալ ի զգեստ անկողոպտելի։