Կնոջ հոգիներ (պատմուածքներ)

Տիկին Սիպիլի այս գրուածքները մեծ մասամբ լոյս տեսած են իննըսունական թուականներուն, եւ դեր մը կատարած են ժամանակին գրական շարժումին մէջ։ Անոնք ոչ միայն իր քերթուածներով հռչակուած հեղինակուհին պիտի ճանչցընեն նոր սերունդին իբր արձակագիր, այլ եւ հաճելի ու հրահանգիչ ընթերցում մը պիտի հայթայթեն բոլոր հայ ընթերցողներուն, կնոջ հոգիներու վերլուծումներով, որոնք այս պատմուածքներուն ամենամեծ մասին գլխաւոր յատկանիշը կը կազմեն։