Վալանթին Մազլում, դաստիարակ դաշնակահարը

Այս յուշամատեանը կը պատմէ դաշնակահար Վալանթին Մազլումի կեանքն ու գործունէութիւնը, կու տայ իր յուշերն ու գրութիւնները, նուագահանդէսներուն ու աշակերտական ունկնդրութիւններուն արձագանգները, իր մասին գնահատագիրեր, սրտի խօսքեր, ինչպէս նաեւ լուսանկարներ ու յայտագիրի պատճէններ: Նախաբանը գրի առած է Մազլումի առաջին սաներէն Անայիս Անդրէասեան-Եալտըզճեան։ Ան կը նշէ, թէ հաւաքական գործակցութեամբ պատրաստուած հատորը իրականացումն է Վալանթին Մազլումի փափաքին, որ էր կողքի մը տակ հաւաքել իր տարիներու գործունէութեան արդիւնքներն ու արձագանգները։