Հայոց պատմություն․ հանրակրթական դպրոցի 8-րդ դասարանի դասագիրք

Տասնիններորդ դարի առաջին երեսնամյակում Արևելյան Հայաստանը միացավ Ռուսաստանին։ Երկրի առաջադիմության համար ստեղծվեցին համեմատաբար նպաստավոր պայմաններ։ Արևմտյան Հայաստանը մնաց Թուրքիայի տիրապետության տակ, որը կործանարար հետևանքներ ունեցավ։ Տասնիններորդ դարի վերջերին և քսաներորդ դարի սկզբներին՝ առաջին աշխարհամարտի տարիներին թուրքական իշխանությունների կազմակերպած ցեղասպանությանը զոհ գնաց մեկ և կես միլիոնից ավելի խաղաղ բնակչություն։