Մայրենի լեզու, Բ տարի

Ինչպէս անցուցինք ամառը

Ամառն ամբողջ մենք անցուցինք

Անտառներուն, դաշտերուն մէջ,

Արտերուն մէջ վազվզեցինք,

Աշխատանքի սիրով անշէջ։

Խուրձ կապեցինք մենք ոսկեգոյն,

Բարձրացուցինք դէզեր հսկայ, 

Հասկեր առինք, կուռ ու լեցուն,

Լեռ կազմեցինք իրար վրայ։

Մենք ջրեցինք արտ ու արօտ

Եւ ծաղիկներ անուշահոտ։

Աշխատանքէ վերջ խմբովին

Գացինք գետին մէջ լողալու,

Եւ շատ յաճախ ծառի շուքին

Տակ նստեցինք գիրք կարդալու։