Բուռ մը տոմս

Եւրոպացիին, - Ժիրայր Միսքեան - երեք հազար Տոմսերէն քաղհան մըն է այս հատորը։

Մեծ հաճոյքով կը կարդացուէին այդ Տոմսերը, 1951էն 1960, նախ “Հայրենիք”ի առաջին էջին վրայ - ամէն օր - ու յետոյ նաեւ բազմահայ ուրիշ շրջաններու դաշնակցական մամուլին մէջ։

Օրաթերթերու սիւնակներուն վրայ փռուած շատ մը գրական նիւթեր, յաճախ, կը մոռցուին։ Չուզեցինք որ այս գրչանկարները մատենադարաններու դարակներուն մէջ քնանային՝ հանրութեան աչքէն ու մտքէն հեռու։