Գրիգոր Գըյըճեան (1910-1943)

Իր յիշատակը ոգեկոչող այս էջերը, հազիւ կու տան դիմագիծը, կեանքը եւ գործը այս տաղանդաւոր տղուն, որ յունահայ կապոյտէն ասուպի պէս անցաւ, յաւիտենական մոռացութեան խաւարին մէջ թաղուելու համար։

Կեանքը՝ այնքան քիչ տարիներ սահմանած էր իրեն՝ որ սրընթաց արշաւի եւ վերելքի պարագային իսկ՝ կատարներուն եւ անհուն հորիզոններուն չէր կըրնար հասնիլ։

Բայց այն քիչ տարիները, զորս յատկացուց՝ զմայլելի ոգեւորութեամբ ու նուիրումով՝ իր տարեկիցներուն ու մասնաւորապէս յունահայ պատանեկութեան, կը բաւեն մեր հոգիներուն մէջ լաւագոյն անկիւնը տալու իրեն եւ յարգանքով խոնարհելու յիշատակին առջեւ։