Կեանքիս սեւ էջը․․․

Ապրիլեան եղեռնի ճամբաներուն վրայ իր հոգեկան կորովով զրահաւորւած, ապրելու եւ գոյատեւելու ճիգ թափող հայ տղան, հայ աղջիկն ու հայ մայրը իրենց գոյութեան մեծ պայքարը մղեցին։ Ահա այս տառապողներէն մէկն է Ամերիկաբնակ Տիկին Ազնիւ Կոստանեան-Տէր Գուրգէնեան։ Անոր յուշերուն պարզ ընթերցողն անգամ պիտի նշմարէ հոն՝ անկեղծութիւն, հայու հոգիի պարզութիւն եւ խոստովանութիւններ որ ուրիշներ պիտի չընէին։ Հոս է արդէն յուշերու արժէքը։