Սմբատի գանձերը

-Ինչո՞ւ Հայր սուրբը ընկոյզե արկղին մէջ բանալիի տակ դրած խիստ կը պահէ տարօրինակ գիրք մը, հարցուց Ատոմ իր ընկերներուն։

-Ես անգամ մը այդ գիրքը տեսած եմ, պատասխանեց Սիսակ, բարակ մատեան մ՝է արծաթէ տուփի մէջ պահուած, բայց թոյլ չտուաւ ձեռքս առնելու եւ կարդալու․ “Ասիկա ձեզի համար չէ”, ըսաւ եւ դողդոջուն մատներով արկղին մէջ դրաւ։

-Անշուշտ գաղտնիք մը կայ, վրայ բերաւ Վարդան։

-Ես շատ հետաքրքիր եմ, անպատճառ պէտք է գաղտնիքն հասկնամ։