Արարատ․ դասագիրք հայերէն լեզուի․ Բ․ տարի

Տարիներէ ի վեր քրիստոնէական ուղղութեամբ պատրաստուած ընթերցարաններու հարկը զգալի էր հայ դպրոցներու մէջ։

Արարատ դասագրքերու հրատարակութիւնը փորձ մը պիտի ներկայացնէ այս կարիքը գոնէ մասամբ լեցնելու։

Այս դասագրքերը հիմնուած են քսան տարիներու ուսուցչական փորձառութեան վրայ, եւ ճոխացուած՝ մանկավարժ դաստիարակներու խորհրդատուութեամբն ու թելադրութիւններովը։

Մասնաւոր կարեւորութիւն եւ տեղ տրուած է երգի, ինչու որ երգը, որեւէ բանէ աւելի ուղղակիօրէն կը խօսի մանկան հոգիին։