Հայ սկաուտին առաջնորդը․ հատոր Ա․

Այս գրքին հեղինակը՝ Վազգէն Անդրէասեան, Պոլսէն՝ առաջին օրերու սկաուտ մըն է։ Այսօր իր սկաուտական երդումէն գրեթէ քառորդ դար մը յետոյ, երբ իբրեւ ճարտարագէտ նախանձելի դիրքի մը հասած է, ընտանիք կազմած ու զաւակներու հայր, սրտառուչ է դիտելը որ ոչինչ պակսած է իրեն իր առաջին օրերու հաւատքէն ու խանդավառութենէն։ 

Այս գիրքը՝ այբ-բէն-գիմն է հայ սկաուտականութեան։ Ան առաջինն է իր տեսակին մէջ, առաջին գործի մը բոլոր առաւելութիւններով ու նուազագոյն թերութիւններով։