Մանկական հեքիաթներ

Կարմրիկը

Կար ու չկար, աղուոր, սիրուն աղջնակ մը կար։ Ամէն մարդ կը սիրէր զինք, բայց ամէնէն աւելի զինք սիրողը իր հանին էր, որ ուղղակի խենթ կ՝ըլլար իր թոռնիկին համար․․․։

Հանին օր մը սրածայր կարմիր գլխարկ մը կը նուիրէ իր թոռնիկին, եւ այս գլխարկը այնքա՜ն կը վայելէ, այնքա՜ն կը վայելէ աղջնակին, որ ան ա՜լ ուրիշ գլխանոց գործածել չի ուզեր։ Իսկ երբ մայրն ալ իրեն նոյն գոյնով հագուստ մը կը հագցնէ, ամէն մարդ, տեսնելով վերէն վար կարմիր հագած այդ աղջնակը, զինք կը կոչէ Կարմրիկ։