Բոլշևիզմը եւ դաշնակցութիւնը (թռուցիկ ակնարկ)

Սոյն հատորի կմախքը կը կազմեն “Յուսաբեր”ի 9 խմբագրականները, լոյս տեսած թերթի 37 թիւերով, որոնցմէ 36ը, 1948ի տարեշրջանին, իսկ 1ը՝ 1949ի։ Նոր են երկու գրութիւններ՝ “Դաշնակցութեան դերը հայ կեանքի մէջ” եւ “Հայ Դատը երկրորդ մեծ պատերազմին”։ Զատ յօդուած մըն է՝ “Իր ուժին աղբյիւրը” , դարձեալ “Յուսաբեր”էն առնուած։

Յիշատակուած խմբագրականները կը կազմեն, սակայն, հատորի կմախքը միայն, բայց ոչ աւելին։ Խմբագրականներէն շատեր հիմէն վերամշակուած եւ զգալապէս ընդարձակուած են։