Հելլենական քնար

Ծաղկաքաղ հելլէն բանաստեղծութենէն

Պատերազմէն առաջ, հելլեն ծանօթ ու սիրելի բանաստեղծ Քուլիս Ալեբիս, այս գրքի թարգմանիչին գործակցութեամբ, հայ գրականութիւնը հելլեն ժողովուրդին ծանօթացնելու համար, հայ բանաստեղծներու գործերէն հատընտիրներ թարգմանեց ու հրատարակեց “Արմենական Մուսա” անուն հատորով մը, որ ի՜սկապէս աննախընթաց ընդունելութիւն մը գտաւ հելլեն մտաւորականութեան ու ժողովուրդին կողմէ։

Այսօր, երբ փոխադարձաբար հելլեն լաւագոյն բանաստեղծներու ստեղծագործուիւնները հայ ժողովուրդին ծանօթացնելու նպատակով ի լոյս կ՝ընծայեմ աւելի քան տասնըհինգ տարիներու վաստակիս արդիւնք “Հելլենական Քնար”ը, անկեղծօրեն կը յուսամ թէ՜ նոյնքան ջերմ ու սրտագին ընդունելութիւն մը ալ ա՜ն պիտի գտնէ, հայ մտաւորականութեան եւ ընթերցող հասարակութեան կողմէ, աւելի՜ եւս ամրապնդելով պատմական ու բախտակից այս երկու ազգերու միջեւ հինէն ի վեր գոյութիւն ունեցող բարեկամական կապերը։