Մայրենի լեզու, հիմնովին բարեփոխուած, տարրական դասընթացք, Բ․ տարի

Եկե՜ք, տեսե՜ք սա բացուած վարդը, նայեցէ՜ք ինչպէս կ՝երեւայ իր կանաչ կապած ճիւղին վրայ։ Այս է “ծաղիկներուն թագուհին”։ Թերթերն են կարմրուկ, տեսքն է ազնիւ ու գեղեցիկ, հոտը բռներ է օդին մէջ։ Բայց այս վարդն ստեղծողն ա՜լ աւելի գեղեցիկ է, ամէն սրտի՝ սիրելի։

Առիւծն ամէն կենդանիներէն ուժեղ է․ երբ իր որջէն ելլէ ու պոչը շարժելով՝ սկսի մռնչել, արածող կենդանիներն իրենց երկիւղէն կը թողուն դաշտը, գազանները կը փախչին ամայի տեղեր։

Ուժով է առիւծը, բայց իր ստեղծողն ա՜լ աւելի զօրաւոր է։