Մարդը եւ իւր ցեղը․ բարեկենդանութեան հրահանգներ

Այս գրքույկիս նիւթը սերնդագործութիւնն է․ հետեւապէս պիտի գրեմ զուգաւորութեան վրայ, բայց կարելի եղածին չափ քիչ պիտի գործածեմ այս բառը։

Իսկ թէ ինչո՞ւ համար այս բառը իւր արժանաւոր յարգովը չի գործածուի և խորթ կու գայ ականջի։ - Ադոր պատճառը ժամանակիս զեղծումն է․ բարոյական զգացման տրուած նուա՜զ յարգանքը, մանաւանդ այն հոլանի հրապարակութիւնը, որուն ենթարկուած է ամէն գաղտնիք որ, ճշմարիտն ըսելով, ծածուկ մնալ պէտք էր։