Անդրանիկ

Ամէն անգամ, ու այդ կը պատահի յաճախ, երբ այս նուիրական դարձած անունը մէջս յուշեր կ՝արթնցնէ, ազգային եւ անձնական, հին կարօտներ կը վառէ։ Երբ լռած երգերու թրթիռը կը զգամ շրթներուս, երբ խոհերս անոր նուիրուած են, որեւէ խօսակցութիւն եւ ընթերցում երբ կը կատարուի այդ ամենասիրելի անունին մասին, ինձ համար անյեղլի իրականութիւն մըն է, որ այդ ամէնը արձագանգներն են մեր հերոսներուն կողմէ համախումբ ներդաշնակուած անլռելի ղօղանջի մը՝ Անդրանի՜կ, Անդրանի՜կ, Անդրանի՜կ։