Ցուցակ ձեռագրաց Թաւրիզի Մելիք-Թանգեան ազգային-եկեղեցական թանգարանի

Ատրպատականի հայերէն ձեռագիրները, ի շարս այլ շրջաններու ձեռագիրներուն, ուսումնասիրութեան նիւթ եղած էին կարգ մը ձեռագրագէտներու եւ հայ բանասիրութեան ծանօթացուած թէ՜ յօդուածներով եւ թէ՜ առանձին Ձեռագրաց Ցուցակով։ Սակայն, տարիներու ընթացքին սոյն ձեռագիրները մեծ մասամբ Ս․ Էջմիածին եւ այլուր փոխադրուած ըլլալով, 1968-ին Թաւրիզի Ազգային Առաջնորդարանին մէջ ի պահ կը մնային միայն 16 հին եւ նորագիւտ ձեռագիրներ, որոնք պարսկերէն 144 ձեռագիրներու հետ կը փոխադրուէին Թաւրիզի Մելիք-Թանգեան ազգային-եկեղեցական թանգարանը։