Մտածումներ Հ․Յ․ դաշնակցութեան մասին

Իր այս ուսումնասիրութեամբ Նիկոլ Աղբալեան լուսարձակի տակ կ՝առնէ Դաշնակցութեան կանոնակարգի չոր ու ցամաք կարգ մը յօդուածները․ կը մանրէ ու կը լուծէ անոնց մէջ խտացած իմաստը, վերծանելով զանոնք ոգի կը մտցնէ անոնց մէջ եւ անոնց ընդմէջէն կ՝ուրուագծէ Դաշնակցականի տիպարը։ Ան իր խորաթափանց մտքի պրիսմակէն անցընելով, վերլուծումի կ՝ենթարկէ Հայ Յեղափոխական Դաշնակցութեան Ծրագիրը, կուսակցութեան յեղափոխական գործելակերպը, անոր անուան մէջ “հայ” մակդիրին իմաստը, ներքին կարգապահութեան եւ խօսքի ազատութեան բարդ հարցերը։