Ամէնուն տարեգիրքը 1958, Ե․ տարի

Անցեալ տարի կը գրէինք, թէ բոլորովին սպառած են Տարեգրքիս Ա․ (1954) եւ Գ․ (1956) հատորները, որոնցմէ, այսօր, մէկ օրինակ իսկ չունինք տրամադրելի մեր նոր ընթերցողներուն համար, դժբախտաբար։ Իսկ վերջին Դ․ հատորէն մեր մոտ մնացած են շատ փոքրաթիւ օրինակներ միայն։ Վստահութեամբ կը նախատեսնենք, թէ այս տարի, տպաքանակի զգալի յաւելում մը եւս կատարելով հանդերձ, 1958ի օրինակներն ալ հազիւ պիտի բաւարարեն Տարեգրքիս յարաճուն եւ ընդհանուր պահանջը։