Հայաստանեայցս առաքելական Ս․ եկեղեցւոյ պատմութիւն

Հուսիկ Վարդապետ Մովսիսյանը (Տեր-Մովսիսյան) 19-րդ դարի վերջին եւ 20-րդ դարի առաջին քառորդների հայ անվանի եկեղեցականներից է։ Նա Մայր Աթոռի ամենից բեղուն գրիչ ունեցողներից էր, թեպետ համեստ՝ ակադեմիական հայագիտության ոլորտում, սակայն բավականին արդյունավոր՝ գրական-խմբագրական ասպարեզում։

Հուսիկ Վարդապետ Մովսիսյանի “Հայաստանեայց Առաքելական Սուրբ եկեղեցվո պատմություն” դասագիրքը վերահրատարակվում է նույնությամբ, բնագրի տեքստային եւ ուղղագրության պահպանմամբ՝ անհրաժեշտ խմբագրական, լեզվա-ոճական եւ կետադրական ուղղումներով։ Ճշգրտվել են օգտագործված սկզբնաղբյուրների եւ մենագրությունների հրատարակչական հիմքերը, ու ըստ այդմ՝ կազմվել օգտագործված գրականության ցանկ։ Խմբագրական ծանոթագրությունները կատարվել են միայն խիստ անհրաժեշտության դեպքում։