Մաշտոց ձեռնադրութեան եպիսկոպոսի ըստ ծիսից եւ արարողութեանց Առաքելական եւ Ուղղափառ եկեղեցւոյ Հայաստանեայց

Քան զամենայն հանդէսս պանծալիս արարողութեանց եւ ծիսից Հայաստանեայցս Եկեղեցւոյ շքեղաշուք եւ վայելչազարդ լեալ են անդստին ի սկզբանէ գերահռչակ հանդէսք ձեռնադրութեան Եպիսկոպոսաց, օրհնութեան սրբալոյս Միւռոնին, եւ օծման Կաթուղիկոսաց ազգիս մերոյ։ Եւ կարի յիրաւունս․ զի որ ապիսկոպոսականին արժանացեալ գտանիցի պատուոյ եւ աստիճանի, նա ինքն է որ եւ զայլոցն ամենայն խորհրդոց Եկեղեցւոյ պատրաստէ եւ կարգէ մատակարարս եւ տնօրէնս եւ պաշտօնեայս, զդպիրսն ասեմ եւ զսարկաւագունս եւ զքահանայս․ ուստի եւ արժան իսկ է նմա յառնուլ անդ զիւրն պաշտօն՝ առաւելագունիւ վայելչանալ շքով արտաքին եւս պատրաստութեանց՝ ի նշանակ ներքնոցն կատարելութեանց՝ որ պահանջին ի նմանէ։