Կանոնագիտութիւն

Տարիներ առաջ հայ մամուլին մէջ դիտողութիւն եղաւ որ մեր Ընծայարաններուն ծրագիրներուն մէջ կը պակսի Կանոնագիտութեան դասը։

Իրաւացի էր այդ դիտողութիւնը․ հետեւաբար Սրբոց Յակոբեանց Ընծայարանի դասերուն կարգին աւելցուցինք Կանոնագիտութիւնը։

Այդ առթիւ հարկ եղաւ որ համառօտ աշխատութիւն մը պատրաստենք սոյն նիւթին վրայ։

Քանի մը տարիներ աւանդեցինք այդ դասը՝ գործածելով ձեռքով գրուած տետրակներ։ Մեզմէ անկախ ձեռնարկող ալ եղած է սոյն աշխատութիւնը բազմագրելով օգտագործելու։

Այժմ, նկատի առնելով այլեւայլ կողմերէ եղած խնդրանքը, տպագրութեամբ կը հրատարակենք զայն, խորհելով թէ ոմանք պիտի կրնան օգտուիլ անկէ։   Ն․ Արք․ Պողարեան