Վերլուծութիւն քերականութեան

“Վերլուծութիւն քերականութեան” աշխատությունը Եսայի Նչեցու մատենագրական ժառանգության ամենակարևոր երկն է, որն ստեղծվել է 1307 թվականից առաջ։ Իբրև քերականական դասընթացի կարևորագույն ձեռնարկ այն նախատեսված է եղել առաջին հերթին, Գլաձորի համալսարանի ուսանողների համար, որտեղ և մշտական գործածության մեջ է գտնվել։ Այնուհետև ուսումնականների սերունդներ են հայկաբանության մեջ խորացել և հմտացել իբրև “նախակրթական” դասընթաց համարված այս աշխատությամբ, ուստի և բնագրական սույն հուշարձանը հայագիտության համար ունի ոչ միայն գիտա-մանկավարժական, այլև, մանավա՜նդ, պատմական նշանակություն ու արժեք։

Նչեցու սույն աշխատությունը առաջին անգամ գիտական շրջանառության մեջ է դրվում քննական բնագրով՝ պատրաստված 15 ձեռագրերի համեմատության հիման վրա։