Մարտիրոս Սարյան 1880-1972

Մարտիրոս Սարյանը արդի հայ նկարչության սկզբնավորողն է, նահապետը։ Ի տարբերություն իրեն նախորդած վրձնի հայ վարպետմերի, նա մինչև վերջ խզեց կապերը ուսումնառության շրջանում ձեռք բերած գեղանկարչական մեթոդներից և ընթացավ ինքնուրույն ճանապարհով։ Սարյանի արվեստը իր ոճական առանձնահատկությամբ մի կողմից հենվում է 20-րդ դարասկզբի ռուսական և ֆրանսիական նկարչության նվաճումներին, մյուս կողմից՝ ազգային մշակույթի հինավուրց ավանդներին։ Այս երկու ակունքներից վերցրածը Սարյանը կարողացավ ձուլել սեփական խառնվածքին ու աշխարհընկալմանը և ստեղծել միանգամայն ինքնատիպ ու արդիական արվեստ։