Մխիթար Այրիվանեցի (կյանքն ու ստեղծագործությունը)

Մենագրությունը նվիրված է XIII դ․ հայ նշանավոր մատենագիր, պատմիչ, բանաստեղծ, մանկավարժ, երաժիշտ ու երգահան Մխիթար Այրիվանեցու կյանքի ու գործի ուսումնասիրությանը։ Ձեռագրական նորահայտ փաստերի հիման վրա ամբողջացված է նրա կենսագրությունն ու ստեղծագործական ժառանգությունը, պատմաբանասիրական քննությամբ գնահատված նրա երկերի աղբյուրագիտական, գրական-գեղարվեստական նշանակությունը։ Բացահայտված է դրանց պատմաճանաչողական արժեքը, ցույց է տրված այն մեծ դերը, որ կատարել է Մխիթար Այրիվանեցին հայ բազմադարյան մշակույթի զարգացման գործում։